Tovalleta
Una tovalleta[1][nota 1], tovallón[1] u sarvilleta[1] ye una pieza cuadrada de teixiu, a sobén a chuego con o mantel, que s'emplega en a mesa ta ixugar-se os labios y as mans. Modernament existen tamién tovalletas de papel, que no se limpian sino que se chitan a la vasuera dimpués de cada uso. Istas zagueras son habituals en restaurants economicos, locals de birolla rapida y tabiernas, a mas d'estar cada vegada mas frecuents en muitas casas.
Especialment as de tela se pueden doblar de maneras mas u menos sofisticadas ta decorar a mesa antis de chentar. A vegadas, cada persona usa siempre a mesma tovalleta, que puet estar personalizada directament, por eixemplo con o nombre bordau u un dibuixo u estampau diferent, u bien por meyo de tovalleters, que son una mena de pulseras ta tovalletas, que pueden estar diferents ta cada persona u no. En cualsiquier caso sirven tamién como element decorativo.
As tovalletas de papel s'usan a vegadas tamién ta embolicar conos de chelau u entropans.
Historia
[editar | modificar o codigo]L'uso d'a tovalleta ye mas antigo que o d'a forqueta, como minimo en a Corona d'Aragón, a on se remonta a o menos a la epoca medieval. Francesc Eiximenis explica que usar a tovalleta ye una muit buena costumbre. En a Edat Meya o pueblo y os sinyors minchaban en cadieras u bancos en una sola cara d'una mesa alargada montada sobre caballez con un mantel. As personas podeban tener tovalletas individuals.[2]
Se veiga tamién
[editar | modificar o codigo]Notas
[editar | modificar o codigo]- ↑ Con a variant tovallota
Referencias
[editar | modificar o codigo]- ↑ 1,0 1,1 1,2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (es) Cuina medieval catalana, d'Eliana Thibaut i Comalada, Cossetània Edicions, 2006. ISBN 9788497912167
