Videoxuegu

Videoxuegu
Tipu	forma d'arte y tipu de software
Datos básicos
Caracterizáu por	xéneru de videoxuegos, mou de xuegu, plataforma informática, video game theme (en) , video game feature (en) y video game graphics (en)

Un videoxuegu o videuxuegu^[1] ye un programa informáticu, creáu espresamente pa divertir, basáu na interaición ente una persona y un aparatu lletrónicu onde s'executa'l videoxuegu. Estos recreen entornos virtuales nos cualos el xugador pue remanar a un personaxe o cualaquier otru elementu d'esi entornu, p'algamar ún o varios oxetivos per aciu d'unes regles afitaes.

Historia de los videoxuegos

Identifíquense cinco etapes na historia de los videoxuegos^[2]

1971-78. Entama a desendolcase'l conceutu de videoxuegu, y entamen les arcades, establecimientos con delles máquines con videoxuegos que funcionen con monedes o fiches. Aprucen tamién les primeres compañíes, como Atari, Magnavox o Taito, y los primeros xuegos: Space Invaders, Pong, Star Trek...
1978-83. Entama'l desendolcu de los xéneros (xuegos d'engarrase, d'aición, d'esportes...), na evolución dende l'establecimientu públicu al caseru. Apaecen xuegos como Pac-Man.
1983-94. Los xuegos fanse claramente caseros y van desapaeciendo les arcadies. La calidá gráfica ameyora, y amenorguen los tamaños de los dispositivos. Surden compañíes como Sega, Commodore o Nintendo, pero tamién desendólquense aplicaciones pa ordenadores personales, lo que fai qu'estos servicios progresen. Son xuegos d'esta dómina Final Fantasy, Mario Bros, o Tetris y los MUDs.
1994-2004. La industria del videoxuego gana un gran poder económicu. Les meyores exponenciales n'almacenax de memoria abre la puerta pa los CDs y llueu los DVD de xuegos. L'ordenador vuélvese más importante y entama la guerra de sistemes ente les estremaes consols. Les empreses que desendolquen nesta etapa son Sony, pero tamién Microsoft o Nokia, inda que consolídense productores de xuegos como EA. Ente los xuegos tán el FIFA, Pokémon, el Prince of Persia, el Street Fighter o'l Metal Gear.
2004-anguaño: El desendolcu de les teunoloxíes permite l'apaición de productores independientes de calidá. Nun apaecen empreses nueves, sinón avances nes teunoloxíes anteriores de les mesmes compañíes, como la Wii de Nintendo, y nueves versiones de los xuegos anteriores a los que s'axunten dellos nuevos, como Legend of Zelda.

Referencies

↑ «Detalle noticia». Gobiernu del Principáu d’Asturies. (s. f.).
↑ Huertero Valle, Guillermo, Videojuegos políticos: una forma diferente de entender la política, Revista TEXTOS de la CiberSociedad, 12 (2007).

Ver tamién

[1] «Detalle noticia». Gobiernu del Principáu d’Asturies. (s. f.).

[2] Huertero Valle, Guillermo, Videojuegos políticos: una forma diferente de entender la política, Revista TEXTOS de la CiberSociedad, 12 (2007).

[1]

[2]