Lev Kamenev

Lev Kamenev
	; Irudi gehiago
SBAKaren Komite Zentraleko Politburoaren kidegai
SESBeko Lan eta Defentsa Kontseiluaren presidente
Deputy Chairman of the Council of People's Commissars (en)
SBAKaren Komite Zentraleko politburoaren kide
SBAKaren Komite Zentraleko politburoaren kide
1918ko Errusiako Batzar Konstituziogileko diputatu
Bizitza
Jaiotzako izen-deiturak	Лев Розенфельд
Jaiotza	Mosku, 1883ko uztailaren 18a
Herrialdea	Errusiar Inperioa ; Sobietar Errepublika Sozialisten Batasuna
Heriotza	Lubianka, 1936ko abuztuaren 25a (53 urte)
Heriotza modua	heriotza zigorra: bala zauria
Familia
Ezkontidea(k)	Olga Kameneva
Seme-alabak	ikusi Aleksandr Kamenev (en) ;
Hezkuntza
Heziketa	Moskuko Estatu Unibertsitatea
Hizkuntzak	errusiera
Jarduerak
Jarduerak	idazlea eta politikaria
	Parte-hartzailea 3rd Congress of the Russian Social Democratic Labor Party (en) ; 5th Congress of the Russian Social Democratic Labor Party (en) ; 8th Congress of the Russian Communist Party (en) ; 9th Congress of the Russian Communist Party (en) ; 10th Congress of the Russian Communist Party (en) ; 11th Congress of the Russian Communist Party (en) ; 12th Congress of the Russian Communist Party (en) ; Q4349734 ;
Enplegatzailea(k)	Pushkin House (en) ; Academia (en)
Ideologia eta sinesmenak
Alderdi politikoa	Sobietar Batasuneko Alderdi Komunista; Boltxebike; Russian Social Democratic Labour Party (bolshevik) (en)

Lev Borisovitx Kamenev (Jaiotza-izena: Rosenfeld; errusieraz: Лев Бори́сович Ка́менев; Mosku, 1883ko uztailaren 18a^greg./uztailaren 6a^jul. - ib., 1936ko abuztuaren 25a) sobietar politikaria izan zen.

Bizitza

1901ean Alderdi Sozialdemokratako ezkerreko taldeetan sartu zen. Askotan hartu zuten preso. Genevan Lenin eta Zinovievekin elkarturik, 1913an San Petersburgora itzuli zenean, Pravda egunkariaren zuzendaritzaren ardura hartu zuen. Atxilotu eta 1917an Iraultza gailendu zen arte ez zuten aske utzi. Sobietar Batasuneko Alderdi Komunistan eta Gobernuan hainbat kargu izan zituen. Lenin hil zenean, Zinovievekin elkartu zen Stalinen aurka. Stalinek karguetatik kendu zuen, Alderdi Komunistatik kanpora egotzi, auzitara eraman eta lehenik bost urteko kartzela-zigorra emanarazi zion; gero traizioz salaturik berriro epaitu, hiltzera kondenatu eta hilarazi zuen.

Kartzelan tratu txarrak, mehatxuak eta ziur aski torturak jaso eta gero, haren erruduntasuna aldarrikatu zuen epaiketan. Bera, beste milaka errusiar komunistaren antzera, Purga Handia deritzan errepresioaren biktima ezagun bat izan zen. Ez da ahaztu behar Leninekin hainbat alditan egona zela, buruzagi garrantzitsua zela eta Leninen hilkutxa, beste batzuekin batera, berak eraman zuela.

Hil eta gero, eta Stalinen mendeku tipikoaren arabera, Kameneven familiak ere patu izugarri latza izan zuen. Haren emaztea eta bi seme hil zituzten. Bakarrik Vladimir Glebov,semerik gazteenak biziraun zuen Stalinen presondegietatik eta 1994an hil zen.^[1]

Zinovievek eta Kamenevek beren erruduntasuna aldarrikatu zuten

Ziuraski Stalinen aginduz era basatian torturatua izan eta gero, zera aitortu zuen Kamenevek:

ZINOVIEV: Alderdiko Batzorde Zentrala eta Stalin izugarri gorrotatzen genituen. Uste osoa genuen beharrezkoa zela nola edo hala alderdiko buruzagiak ordezkatzea; gu jartzea haien ordez, Troskyk esan bezala.

KAMENEV: Nik, Zinovievek eta Trotskyk abiarazi genuen konplot terrorista (...). Bi aukera baino ez zeuden: alderdiaren aurkako borroka oneski eta erabat bukatzea; edo borrokaren jarraitzea, baina masen laguntza erabili gabe, plataforma politikorik gabe eta banderarik gabe: hau da, izu indibidualaren bidez. Bigarren aukera hautatu genuen. Alderdiaren zuzendaritzaren eta herrialdearen aurkako mugagabeko gorrotoak ekarri gaitu hona.

Fiskalak Kamenevi laguntzen dio (...):

VICHINSKI: Maltzurkeria eta botere pertsonala lortzeko grina izan al ziren arrazoi bakarrak?

KAMENEV: Bai, gure taldeak boterea lortzeko grina.

VICHINSKI: Ez al duzu uste horrek ez duela inolako zerikusirik gizarte-idealekin?

KAMENEV: Iraultzaren eta kontrairaultzaren arteko antzekotasun bera da.

VICHINSKI: Kontrairaultzaren alde al zaude?

KAMENEV: Bai.

- Pierre Brouék "Moskuko prozesuak" liburuan jasoa, 1964.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ Geert Mak, In Europa, 2009. Episode "1933, Russia"

Datuak: Q165854
Multimedia: Lev Kamenev / Q165854

[1] Geert Mak, In Europa, 2009. Episode "1933, Russia"

[1]