Kingston

Kingston
Kingston
	Capital de Jamaica
	;
	Lema: A city which hath foundations (Prantilla:Inglés: Una ciá que tien cimientus)
	Prantilla:Mapa de localización Localización de Kingston en Jamaica
	Prantilla:Mapa de localización Localización de Kingston en Mari Caribi
Coordenadas	17°58′17″N 76°47′35″O / 17.971388888889, -76.793055555556
Entidad	Capital de Jamaica
• País	Prantilla:Geodatos Jamaica
• Condau	Surrey
• Parroquia	Kingston
Alcaldi	Angela Brown-Burke
Superficii
• Total	453 km²
Altol
• Media	9 m s. n. m.
Puebración (2025)
• Total	937700 hab.
• Densidá	42 622,73 hab/km²
Huso horario	UTC-05:00
	Sitio web oficial
	[editar datos en Wikidata]

Kingston es la capital de Jamaica. Está assitiá en el suresti de la isla i tien una puebración aprossimá de 960.459 abitantis (2024).^[1] S’alluga dentru de la Parroquia de Kingston, nel Condau de Surrey. Tieni un puertu natural protehíu polos palisadoes, nombri que recibi un largu bancu d’arena que xuni Port Royal i l’Aeropuertu Entrenacional Norman Manley col restu de la isla.

Kingston hue hundá en 1692 polos británicus endispués de qu’un terremotu de 7,5 destruyera cuasi toa l’antigua capital, Port Royal. La ciá s’envertó en la sé de l’alministración de Jamaica en 1872. Mantuvi esti estau quandu la isla alcançó la su endependencia en 1962. El 14 de heneru de 1907, un terremotu de 6,2 sacudió Kingston, provocandu la muerti de más de 1000 pressonas.

Amás de sel la sé del gobiernu de Jamaica, la ciá es tamién el lugal ondi s’assitia el campus Mona de la Nuversidá de las Índias Ocientalis, hundá en 1948. Kingston es tamién la sé de divessus festivalis anualis.

La çona central de Kingston está hormá por dos partis: el centru estóricu, abondu conflictivu, i 'New Kingston, ondi s’alluga la mayol parti de las atraccionis turísticas, comu el Museu de Bob Marley, huncu en la su antigua residencia. Otras estrallas del reggae comu Buju Banton i Beenie Man son tamién de Kingston.

Amás de las atraccionis yá mencionás, cabi destacal tamién las cerchanas playas de Hellshire i Lime Cay, la Galería Nacional de Jamaica, las ruinas de Port Royal i la mansión Devon House, con un parqui axacenti que perteneció al primel millonariu afroamericanu de Jamaica.Prantilla:Cr

Estoria

Esta ciá fue fundáen 1693 pol Ingalaterra endispués de que un terremotu destruyera la ciá portuária de Port Royal. La ciá se convirti ena capital alministrativa de Jamaica en 1872 i conserva esti estatus quandu la isla se independiza en 1962.

Kingston, que endispués de 1962 se convirti ena capital de Jamaica independienti, es a la imachen de abondus ciais de país antigua menti colonizaus: un centru dela ciá i un barriu norti heredaus directamenti delos colonus británicus, i ondi se concentran la mayor parti delas atividais económicas i políticas, hazendu un contrasti mu marcau i violentu con la realidá delos barrius desfavorecíus.

El desenvolvimiento dela ciá ya nu está controlau i los "shanty towns" (barrius de chabolas) aumentan en superfici i puebración. Kingston nu escapa al fenómenu de empobrecimientu delos suburbius, i acogi cada día a nuevus habitantis que’l éxodu rural acontina llevandu a la capital dendi meyaus del sigru XX.

Los inglésis hizun una liña de tren dendi Kingston ata Montego Bay, ena costa norti. La red ferroviária jamaicana fue cerrá en 1992.

Kingston alberga el barriu popular de Trenchtown, barriu d'orihin delos artistas jamaicanus de renombri mundiál: Bob Marley, que democratizó el estilu musical del reggae, Peter Tosh u tamien Burning Spear. Amás, diu’l su nome a la famosa canción del grupu UB40 Kingston town (versión de Lord Creator). La ciá de Kingston está mu marcá, i más particularmenti enos barrius sul, pola influência rastafari cuyu portavoz fue Bob Marley. Inque estus barrius son tamien los más probis i los más insalubris dela ciá.

Heografía i clima

Kingston está arrodeá polas montañas Azulis, Red Hills, Long Mountain i el puertu de Kingston. La ciá está ena llanura de Liguanea, una planici aluvial a orillas del ríu Hope. Kingston suhri frecuentis terremotus, el últimu terremotu qu’escausó grandi dañus hue el de 1907.

Kingston á dun clima tropical sequi, que se caracteriza pol una estación chuviosa d’abostu a noviembri, que coincidi cola temporá de huracanis, i una estación sequi d’iziembri a abril. Duranti la temporá sequi, no á muchas chuvias, nostanti, el friu i los frentis estacionarius se producin nesta época, i con frecuencia train huentis chuvias, sobri todu en marçu. La ciá s’alcuentra ena sombra orográfica delas montañas azulis, pol motivu destu, pocu o ná dela humeá transportá polos vientus alisius del nordesti caen sobi Kingston, escausandu que’l clima dela ciá sea mu sequi en comparación con Portland i Saint Mary nel lau de barloventu delas montañas azulis.

Kingston está n’una ubicaición costera, pol motivu destu está so la enfluencia marina, inque’l desenvolvimientu urbanu densu puei anulal esti efetu. Nel sigru XXI, Kingston á esperimentau temperaturas d’ata 36 °C i tan bajas comu 14 °C. Entri 1895 i 1990, se rehistró un total de 909.7 mm de precipitación meya, las mayoris precipitacionis meyas mensualis rehistrás huerun de 181,1 mm nel mes d’outubri, i las mas bajas precipitacionis meyas mensualis rehistrás huerun de 22.7 mm nel mes de marçu.^[2]

Demografia

A pesal de que la mayol parti la puebración es d’ascendencia africana, Kingston es tamién el hogal d’otras etnias, sendu las mayolis la d’endianus i chinus que vinierun al país comu sirvientis al final el sigru XIX, peru ogañu ocupan un paper emportanti ena economia jamaicana, especialmenti enos mercaus el retal en el centru de Kingston. En númiru menol los europeus, cuya mayolía es descendienti d’inmigrantis d’Alemaña i Grã-Bretanha, comu tamién sírius i libanis. Los mestizus horman una minoria considerabri ena ciá.

Religión

Ai una grandi variedá d’igrejas cristianas ena ciá. La mayolía es protestanti, una eréncia la colonización británica ena isla. Las denominacionis prencipallis son la Igreja de Dios, Batista, Anglicana, Metodista, Católica, Adventista del Sétimu Dia i pentecostalis. Religionis afrocristianas tamién están bien estendias.

Dessisti la sinagoga Shaare Shalom ena ciá, assin comu una minoria budista i muçulmana. Dessistin variais organizacionis islámicas i mezquitas en Jamaica, incluiendu el Conséhu Islámicu de Jamaica i el Centru d’Educación Islámicu Dawah, dambos dos assitiaus en Kingston i ufreciendu classis en estudius islámicus i oracionis diárias en congregación.

Economia

Kingston es mu emportanti pa la estabilidá económica jamaicana. Comu capital de Jamaica, i una las zonis mas densamenti puebradas la isla, l’atividá económica tien huerça drentu de Kingston, i una vezi que la mayolía los ministerius están assitiaus en Kingston, es una huerça hundamental ena legisración en lo que respecta a las finanças de Jamaica. La grandi densidá puebracional la capital quier dizil que la mayolía las transacionis monetarias ocurrin en Kingston — lo que estimula la economia local de Jamaica. Muus bancus están assitiaus drentu las rayas la ciá.

Transporti

Carreteras

La estación St William Grant Park, en el coraçón la baha Kingston es el puntu d’encetu pa tres las cuatru carreteras de Jamaica: A, es dizil, la A1 (Kingston Lucea), la A3 (Kingston de la Bahía de Santa Ana) i la A4 (Kingston Annotoo Bay), mentris que la ciá en sí mesma está aprovisioná con una densa rete de troncalis, prencipalis, carreteras secundárias i d’emenos emportancia.

Kingston está bien servíu por otobusis, furgonetas i taxis, que operan en toa la ciá colos sus centrus prencipalis, comu Parade, Cross Roads, Half Way Tree i en otras partis^[3].

Muus residentis poseen coche propiu, i comu muus los prencipais aglomeracionis urbanus, Kingston suhri frequentis atascus i polución.