Mirassol
.JPG)
| |
| Otrus nombris: | Tornassol |
| Estau de conservación | |
| Conselvación deMirassol | |
| Crassificación científica | |
| Autol | |
| Linnaeus, 1753. | |
El mirassol [miɾaˈsol] (nom. cient. Helianthus annuus) es una pranta dela familia delas asteracias que se destaca pola frol grandi que se cantea en cata dela lus solal. Es una pranta provincia d'América i importá a Uropa polos españolis a escomiençus del sigru XVI. Dela su simienti se saca'l azeiti de mirassol i las propias simientis tostás sirvin d'aperitivu i comu comía palos páxarus.
Descrición
[adital | adital cóigu]Se trata duna pranta anual (annuus) i puei alcançal los tres metrus de largol. Los tronchus son derechus i las ojas caulinaris, entrebolás, peciolás col cantu asserrau.
Los frutus son aquenius agüevaus, de 3-15 mm de grandi, de colol escuru, quasi que negru, enque puei tenel otrus tonus brancus, coloraus o amielaus. El avuelitu son dos escamas lanceolás de 2-3, 5 mm que puein lleval otras escaminas, toas caeízas.
Cautivu
[adital | adital cóigu]La sementera está entre juniu i juliu. La pranta tien d'estal desapartá en surcus, saliendu a quatru matas por metru lineal. Precisa de tierras greosas con una capa freática pocu honda. La hondura del hochi dependi dela temperatura, umidá i suelu, abarbandu las más someras enantis que las hondas.