Reactancia

Reactancia
	Subclase de magnitude física
	Parte de impedancia
	Oposto a susceptância (pt)
Fontes e ligazóns
	Descrito pola fonte IEC 80000-6:2008 Quantities and units—Part 6: Electromagnetism (en) ; IEC 80000-6:2022 Quantities and units — Part 6: Electromagnetism (en) ;
	[ Wikidata ]

Na electrónica, denomínase reactancia a oposición ofrecida por indutores (bobinas) e condensadores ao paso da corrente alterna, medíndose o seu valor en ohmios. Canda a resistencia eléctrica determinan a magnitude da impedancia total dun compoñente ou circuíto, de tal xeito que a reactancia (X) é a parte imaxinaria da impedancia (Z) e a resistencia (R) é a parte real, segundo a igualdade:

Z=R+jX\,

Tipos de reactancias

Cando circula corrente alterna por algún destes dous elementos que posúen reactancia, a enerxía é alternativamente almacenada e liberada en forma de campo magnético, no caso das bobinas, ou de campo eléctrico, no caso dos condensadores. Isto produce un adianto ou atraso entre a onda de corrente e a onda de tensión. Este desfase fai diminuír a potencia entregada a unha carga resistiva conectada logo da reactancia sen consumir enerxía.

Se se realiza unha representación vectorial da reactancia indutiva e da capacitiva, os vectores que a constitúen deberíanse debuxar en sentido oposto e sobre o eixo imaxinario, xa que as impedancias calcúlanse como ${j}X_{L}\,\!$ e ${-j}X_{C}\,\!$ respectivamente.

Non obstante, as bobinas e condensadores na realidade presentan unha resistencia asociada, que no caso das bobinas considérase en serie co elemento, e no caso dos condensadores en paralelo. Neses casos, e como xa se indicou arriba, a impedancia (Z) total é a suma vectorial da resistencia (R) e a reactancia (X).

É dicir, en fórmulas:

{\tilde {Z}}=R+jX

onde

j é a unidade imaxinaria

X=(W_{L}-1/W_{C})

é a reactancia en Ohm.

W é a frecuencia angular á cal está sometido o elemento, e L e C os valores de indutancia e capacitancia respectivamente.

Dependendo do valor da enerxía e a reactancia dise que o circuíto presenta:

Se $\scriptstyle {X>0}$ , reactancia indutiva $(W_{L}>1/W_{C})$
Se $\scriptstyle {X=0}$ , non hai reactancia e a impedancia é puramente resistiva $(W_{L}=1/W_{C})$
Se $\scriptstyle {X<0}$ , reactancia capacitiva $(1/W_{C}>W_{L})$