Riz

Ene rizire å Bingladesh

Li riz, c' est ene dinrêye, li pus corante des dinrêyes dins tote l' Azeye, ey e des plaeces k' i gn a e l' Afrike.

Li riz s' plante dins l' aiwe, e-n on tchamp ki s' lome ene rizire.

Li riz a ene capåvisté di stoclaedje djamåy pareye. Did la li «sistinme di rplantaedje tot djonne» (Système de riziculture intensive)

Sistinme di rplantaedje tot djonne

Coûtches di riz a rplanter, e Djapon

Li «sistinme di rplantaedje tot djonne» a stî diswalpé pa on pere francès, nén agronome, Henri de Laulanié a Madagascar, avou les ptits planteus. Il est rashiou sol foirt sitoclaedje do riz.

On rplante des djetes di 8 a 15 djoûs des coûtches viè l' plin tchamp, tos les 25 a 40 cm.

Li sistinme dimande bråmint del mwin d' ouve, mins spågne des masses di sminces, d' ecråxhes tchimikes, di prodûts sconte-crouwås. Et aveur on rindaedje 5 a 6 côps pus foirt ki l' vî sistinme (8 a 12 tones a l' ectåre, conte 2 tones avou l' vî sistinme.