Notice: file_put_contents(): Write of 395139 bytes failed with errno=28 No space left on device in /opt/frankenphp/design.onmedianet.com/app/src/Arsae/CacheManager.php on line 36
Warning: http_response_code(): Cannot set response code - headers already sent (output started at /opt/frankenphp/design.onmedianet.com/app/src/Arsae/CacheManager.php:36) in /opt/frankenphp/design.onmedianet.com/app/src/Models/Response.php on line 17
Warning: Cannot modify header information - headers already sent by (output started at /opt/frankenphp/design.onmedianet.com/app/src/Arsae/CacheManager.php:36) in /opt/frankenphp/design.onmedianet.com/app/src/Models/Response.php on line 20 ვიკიპედია, თავისუფალი ენციკლოპედიაშინაარსზე გადასვლა
მზია ამაღლობელი — ქართველი ჟურნალისტი, ონლაინგამოცემების, „ბათუმელებისა“ და „ნეტგაზეთის“ თანადამფუძნებელი და ხელმძღვანელი, თავისუფალ ჟურნალისტთა სახლის წევრი. 2025 წლის 12 იანვარს, საქართველოს საპროტესტო აქციების დროს, მზია ამაღლობელი დააკავეს პოლიციელზე თავდასხმის ბრალდებით მას შემდეგ, რაც ბათუმის პოლიციის უფროსს სიტყვიერი შეურაცხყოფის საპასუხოდ სილა გააწნა. მუხლი, რომლითაც მას ბრალი წაუყენეს, 4-დან 7 წლამდე თავისუფლების აღკვეთას ითვალისწინებს. ამაღლობელს წინასწარი პატიმრობა აქვს შეფარდებული. სამართალმცოდნეების, ასევე ადგილობრივი და საერთაშორისო უფლებადამცველი ორგანიზაციების განცხადებით, ამაღლობელისთვის წარდგენილი ბრალი და მის მიმართ სისხლის სამართლის დევნა საქმის გარემოებებთან შეუთავსებელია და საქმეში პოლიტიკურ მოტივებზე მიანიშნებს. ჟურნალისტის წინასწარ პატიმრობაში დატოვება შეფასდა, როგორც თავდასხმა მედიის თავისუფლებაზე. დაკავების შემდეგ, ამაღლობელმა პროტესტის ნიშნად სრული შიმშილობა გამოაცხადა და 38 დღის განმავლობაში უარს ამბობდა საკვების მიღებაზე. მზია ამაღლობელი საბჭოთა კავშირის დაშლის შემდეგ საქართველოში პირველ ქალ ჟურნალისტ პოლიტიკურ პატიმრად ითვლება. თბილისსა და ბათუმში მედიამენეჯერის გათავისუფლების მოთხოვნით გაიმართა მრავალი აქცია.
დორის მეი ლესინგიდორის მეი ლესინგი — ინგლისელი მწერალი-ფანტასტი, 2007 წლის 11 ოქტომბერს გახდა ნობელის პრემიის ლაურეატი ლიტერატურის დარგში. აქტიური ფემინისტი. ხუთი რომანის ავტორი სერიიდან „კანოპუსი არგოსში“ (1779-1982), რომლებშიც ძლიერ ცივილიზაციებს შორის ბრძოლაში სუსტი ადამიანის პასიური მონაწილეობის ფილოსოფიური პრობლემატიკის განსხვავებული თვალსაზრისებია მოცემული. ნობელის კომიტეტის განმარტებით ეს პრემია „ქალური გამოცდილების ეპოსის“ შექმნისთვის მიენიჭა.
.jpg)
