Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Vrydag, 3 Oktober 2025 Hier is tans 126 526 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die nasionale vlag van België (Nederlands: Vlag van België; Frans: Drapeau de la Belgique; Duits: Flagge Belgiens) is ’n driekleur van drie ewe wye vertikale bane in die nasionale kleure van België: swart (vlagpaalkant), geel en rooi. Die kleure is afgelei van die wapen van Brabant en die vertikale ontwerp is dalk gebaseer op die vlag van Frankryk. Wanneer die vlag wapper is die swart baan aan die vlagpaalkant. Die vlag het ’n ongewone verhouding van 13:15.

Artikel 193 van die grondwet noem die kleure, die wapen en die nasionale leuse:

De Belgische Natie kiest als kleuren rood, geel en zwart, en als rijkswapen de Belgische Leeuw met de kenspreuk EENDRACHT MAAKT MACHT.

Die Belgiese nasie neem die kleure rooi, geel en swart aan, en vir die wapen van die Koninkryk die Belgiese Leeu met die leuse: eenheid maak krag.

In 1830 het die destyds nieamptelike vlag van drie horisontale bane in die kleure rooi, geel en swart bestaan. Op 30 September 1830 het die voorlopige regering die nasionale vlag amptelik goedgekeur wat aanvanklik horisontale bane getoon het. Die vertikale uitleg en die swart baan aan die vlagpaalkant is op 12 Oktober 1831 definitief aangeneem. Op 23 Januarie 1831 het die Nasionale Kongres die driekleur in die Grondwet ingeskryf, maar nie die rigting en volgorde van die kleurbane bepaal nie. Gevolglik het die “amptelike” vlag vertikale bane gekry in die kleure swart, geel en rooi. Die afmetings van die vlag is bepaal as 2,60 m hoog by 3 m wyd wat oorspronklik die proporsie van die ou bane gegee het, wat die wapenhouer verteenwoordig.

...lees verder

In die nuus

Die 13de Vrouekrieketwêreldbekertoernooi duur voort met groepwedstryde in verskeie stede van Indië en Sri Lanka, die twee gasheerlande.
In Engeland klop die gasvroue Engeland tydens die eindstryd van die tiende Vrouerugbywêreldbekertoernooi Kanada met 33–13 en palm sodoende ná 1994 en 2014 hul derde titel in. Nieu-Seeland eindig in die derde en Frankryk in die vierde plek.
Australië, Frankryk, Kanada, Portugal en die Verenigde Koninkryk erken die Staat Palestina as 'n onafhanklike land volgens internasionale reg.
Op Ellispark in Johannesburg klop die Griekwas tydens die eindstryd van die Curriebeker 2025 die Goue Leeus met 27–25 en palm sodoende hul vierde titel in.
Chile, Kanada, Tonga, Uruguay en die Verenigde State kwalifiseer vir die Rugbywêreldbeker 2027 in Australië; Italië en Nederland bespreek die Europese kwalifiseringsplekke vir die T20I-wêreldbeker 2026 in Indië en Sri Lanka, vir Italië is dit hul eerste deelname aan ’n krieket- of T20I-wêreldbekertoernooi ooit.

Het u geweet...

... dat Asië en Noord-Amerika op verskillende tye in die verlede deur die Beringlandbrug verbind is? Die laaste keer was tussen 22 000 en 7 000 jaar gelede.

... dat party stowwe se smelt- en stoltemperature nie ooreenstem nie? Alhoewel seewierjellie by 85 °C smelt, sal dit eers stol wanneer dit tot tussen 32 en 40 °C afgekoel het. Dit kan dus tussen 32 en 85 °C 'n vastestof of 'n vloeistof wees; 'n verskynsel wat bekend staan as histerese.

... dat Ellen Johnson-Sirleaf die eerste vroulike president van 'n Afrika-land is? Sy is as president van Liberië ingehuldig op 16 Januarie 2006. Op 9 November 2011 is sy vir 'n tweede ampstermyn gekies.

... dat radiogolwe vinniger as klankgolwe beweeg? Tydens 'n regstreekse uitsending sal radioluisteraars duisende kilometers weg 'n stem hoor nog voor die mense wat agter in die opnamelokaal sit dit hoor.

... dat die Gautrein se spoorwydte van 1 435 mm breër is as die standaardwydte van 1 067 mm van die Suid-Afrikaanse smalspoor? Dit is só gekies om die trein se stabiliteit te verseker teen sy topsnelheid van 160 km/h.