Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Sondag, 12 Oktober 2025 Hier is tans 126 593 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Windhoek (Duits: Windhuk, luister (hulp·inligting); Engels: Windhoek, [wɪndhʊk]; Herero: Otjomuise, letterlik: "plek van stoom"; Nama: ǀAi-ǁGams) is die sentraalgeleë hoofstad van Namibië en lê in die Khomashoogland. Die stad is ongeveer 1 655 m bo seespieël. Dit beslaan 'n oppervlakte van 5 124 km² en volgens die 2023-sensus het dit 'n bevolking van 486 169 gehad.

Die stad het ontstaan by die plek van 'n permanente warmwaterbron wat bekend was aan die plaaslike herderstamme. Dit het spoedig ontwikkel nadat Jonker Afrikaner, kaptein van die Oorlam, hom daar gevestig en 'n steenkerk vir sy gemeenskap opgerig het. In die daaropvolgende dekades het talle oorloë en gewapende vyandelikhede gelei tot die verwaarlosing en vernietiging van die nuwe nedersetting. In 1890 is Windhoek herstig deur die Keiserlike Duitse leër-majoor Curt von François, toe die gebied deur die Duitse Keiserryk gekoloniseer is en dit die hoofstad van Duits-Suidwes-Afrika geword het. Tussen 1920 en 1990 was die stad die administratiewe sentrum van Suidwes-Afrika in die Unie van Suid-Afrika en is sedert die onafhanklikheidwording van Namibië op 21 Maart 1990 die hoofstad.

Die stad is geleë in die Windhoek-bekken, naby die land se geografiese middelpunt, omsluit deur die Erosberge in die ooste, die Auasberge in die suide en die Khomashoogland in die weste en noorde. Met sowat 20% van die Namibiese totale bevolking is Windhoek verreweg die belangrikste ekonomiese sentrum van die land en ook die sentrale knooppunt in die Namibiese vervoerstelsel. Byna al die Namibiese of in Namibië aktiewe maatskappye het hul hoofkantoor in Windhoek, wat ook 'n voortgesette immigrasie uit ander dele van die land tot gevolg het en op sy beurt Windhoek se sentrale posisie verder onderstreep. Vandag is Windhoek 'n moderne stad wat Duitse en Afrika-invloede meng.

...lees verder

In die nuus

Die 2025-Nobelprys vir Vrede word toegeken aan die Venezolaanse menseregteaktivis María Corina Machado "vir haar onvermoeide werk ter bevordering van demokratiese regte vir die mense van Venezuela en vir haar stryd om 'n regverdige en vreedsame oorgang van diktatorskap na demokrasie te bewerkstellig".
Die 13de Vrouekrieketwêreldbekertoernooi duur voort met groepwedstryde in verskeie stede van Indië en Sri Lanka, die twee gasheerlande.
Namibië en Zimbabwe bespreek die Afrikakwalifiseringsplekke vir die T20I-wêreldbeker 2026 in Indië en Sri Lanka, waarmee dié twee Suider-Afrikaanse spanne saam met Suid-Afrika aan die toernooi deelneem.
Die Suid-Afrikaanse Springbokke wen sy sesde titel tydens die 2025-Rugbykampioenskapreeks, terwyl Fidji tydens die Stille Oseaan-nasiesbeker sy agtste titel inpalm.
Australië, Frankryk, Kanada, Portugal en die Verenigde Koninkryk erken die Staat Palestina as 'n onafhanklike land volgens internasionale reg.

Het u geweet...

... dat Nelson Mandela 18 jaar van sy totale 27 jaar tronkstraf op Robbeneiland deurgebring het?

... dat die bedryfstelsel Debian na sy ontwikkelaar en dié se meisie vernoem is? Ian Murdock het dit na hom en sy vriendin Debra vernoem.

... dat daar niks "suur" aan suurstof is nie? Die woord het ontstaan toe mense vroeër geglo het dat alle sure suurstof bevat.

... dat Suid-Afrika die VSA gehelp het met intelligensie as deel van ECHELON? By die Silwermyn Natuurreservaat is antennes wat sedert die 1970's vir spioenasie gebruik is.

... dat 'n deel van Brasilië vroeër aan Nederland behoort het? Nederlands-Brasilië was van 1630 tot 1654 'n Nederlandse kolonie wat van Portugal oorgeneem is.

Vandag in die geskiedenis

12 Oktober: Nasionale Dag in Spanje (1492).

1492 – Christophorus Columbus bereik die Bahamas-argipel en ontdek daarmee die Amerikas.
1762 – Gebore: Jan Willem Janssens, die laaste Nederlandse goewerneur van die Kaap.
1810 – Die eerste Oktoberfest word in München gehou om die troue van prins Ludwig I van Beiere te vier.
1899 – Die eerste skote klap in die Tweede Vryheidsoorlog nadat Brittanje die ultimatum van die Boererepublieke verwerp het.
1968 – Ekwatoriaal-Guinee word onafhanklik van Spanje.